З'явіліся фэйкавыя зборы на штрафы для пацярпелых падчас выбарчай кампаніі
Яны аформленыя пад вядомую кампанію By_Help.
У сацсетках з'явіліся фэйкавыя старонкі па зборы грошай для ахвяраў рэпрэсій. Пра гэта паведамляюць каардынатары кампаніі By_Help, пад якую мімкруюць фэйкі.
"У сетках пачалі распаўсюджвацца фэйкавыя зборы для ахвяр рэпрэсій! Яны выглядаюць гэтак жа, як і нашы, тэкст і малюнак цалкам капіюецца, нават назва канала такое ж, але канал закрыты і нумар карты іншы! Дадзеныя пасты актыўна перасылаюцца ботамі і ашуканцамі па розных чатах", — гаворыцца ў паведамленні.
Як прыклад прыводзіцца адзін з такіх фэйкавых зваротаў. Ягор, на карысць якога нібыта збіраюць грошы, плануе звярнуцца ў банк, каб вылічыць і блакаваць ашуканцаў.
Адміны By_Help просяць усіх, хто хоча дапамагчы і падтрымаць ахвяраў рэпрэсій, быць уважлівымі і сачыць за інфармацыяй аб зборах толькі на арыгінальных старонках кампаніі:
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.