З'явілася відэа, якое пакажуць у выпадку канца свету
Яго мусіць запусціць у эфір апошні супрацоўнік тэлеканалу CNN, які выжыве падчас апакаліпсісу.
На YouTube з'явілася відэа, падрыхтаванае тэлеканалам CNN яшчэ ў 1980-я. Яно захоўваецца ў архіве на выпадак канца свету. На ім ёсць пазнака "Не публікаваць, пакуль наступленне канца свету не будзе пацверджанае". На відэа вайсковы аркестр грае гімн "Бліжэй, мой Божа, да цябе".
Паводле неафіцыйнай інфармацыі, кіраўніцтва CNN вырашыла, што гэты запіс мусіць запусціць у эфір апошні супрацоўнік тэлеканалу, які выжыве падчас апакаліпсісу, піша газета The Daily Mail.
Фота: Fotolia
