З'явілася фота баевікоў у Славянску, якія стралялі ў афіцэраў "Альфы"
Гэты горад у Данецкай вобласці па-ранейшаму заняты незаконнымі ўзброенымі фармаваннямі, якімі кіруе масквіч Ігар Гіркін (Стралкоў, "Стралок").
Карэспандэнт "Комсомольской правды" Дзмітрый Сцешын апублікаваў фота групы ўзброеных баевікоў. Яно пракаментаванае наступным чынам: "Ветлівыя людзі, пакрыўдзіўшыя ўкраінскую "Альфу". У тым ліку". Магчыма, Сцешын мае на ўвазе расстрэл з засады каля Славянска вышэйшых афіцэраў Службы бяспекі Украіны, які быў здзейснены на пачатку антытэрарыстычнай аперацыі групай байцоў "Стралка". Верагодна, што гаворка ідзе пра нейкі іншы бой у Славянску ці яго наваколлі.
Фота з твітара.
