Вы тут

Звальняюць дырэктара школы, дзе ў Ціханоўскай на 120 галасоў больш за Лукашэнку

Школа №5 у Маладзечне / "Рэгіянальная газета"

Дырэктар школы №5 у Маладзечне Яўген Макарэвіч будзе звольнены з 1 красавіка 2021 года. У каментары "Рэгіянальнай газеце" педагог распавёў, што яго звальняюць па заяве, якую ён падаваў у жніўні 2020-га пасля вынікаў выбараў.

Падчас выбараў Макарэвіч узначальваў выбарчую камісію. На яго ўчастку за Святлану Ціханоўскую прагаласавала на 120 чалавек больш, чым за Аляксандра Лукашэнку.

"Тады, у жніўні, у аддзеле адукацыі сказалі, што заяву згубілі. А цяпер знайшлі", — кажа дырэктар школы.

Калі ў жніўні Макарэвіч быў вымушаны напісаць заяву на звальненне, гэтым сталі абурацца бацькі.

Новага дырэктара калектыву школы прадставяць 1 красавіка.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.