ЗША не дапамогуць украінскай арміі зброяй
Злучаныя Штаты вырашылі не аказваць Украіне вайсковую дапамогу.
Пра гэта, па звестках Радыё "Свабода", уплывоваму выданню The Wall Street Journal распавялі высокапастаўленыя прадстаўнікі амерыканскай адміністрацыі.
Па звестках выдання, Кіеў прасіў Вашынгтон паставіць зброю і боепрыпасы для ўкраінскай арміі, а таксама аказаць дапамогу, падаўшы разведданыя. Аднак ЗША не стануць гэтага рабіць, бо асцерагаюцца яшчэ больш узмацніць і без таго моцную напружанасць у адносінах з Расіяй. Раней Дзярждэпартамэнт заявіў, што Злучаныя Штаты паставяць вайскоўцам украінскай арміі сухія пайкі.
Фота — Reuters
