"Зьніч" выпускае дыск пасля трохгадовага перапынку і прэзентуе яго ў Мінску

Беларускія металісты, гурт “Зьніч”, выдаюць чарговы дыск пасля трохгадовага перапынку. Сінгл “Змрок” трапіць у продаж у бліжэйшым часе.
У размове з Еўрарадыё, лідэра гурта Алесь Таболіч распавёў, што ў дыск
трапілі 5 песень, сінгл здзівіць прыхільнікаў
калектыву новым падыходам да гучання і стылістыкі матэрыялу.

“Там цікавая падача. Мы спалучылі дзве рэчы: фолькавасць (напрыклад,
народная песня “Каляда-калядзец”, якую раней выконваў і гурт NRM), а
таксама будзе пара змрочных песень і адна новага накірунку а-ля
нью-метал”.

Па словах Таболіча, увосень гурт скончыць запіс паўнавартаснага альбома
і пасля прэзентацыі з’едзе ў маштабны гастрольны тур па бліжэйшым
замежжы.

А вось сінгл “Змрок” музыкі прэзентуюць у сталічным клубе
“Рэактар” ужо ў бліжэйшую пятніцу, 3 красавіка, у сталічным “Рэактары”.
Падтрымаць беларусаў прыедзе вядомы расійскі гурт “Северные врата”.

Фота: generation.by