Жыхарку Маларыты, якая даслала антываенны ліст на сайт Лукашэнкі, будуць судзіць
15 чэрвеня ў маларыцкім судзе пачнецца судовы працэс над палітзняволенай Людмілай Рамановіч, паведамляюць праваабаронцы. Суд пройдзе ў адкрытым рэжыме.
Як распавядала Еўрарадыё, на пачатку сакавіка Рамановіч даслала антываенны ліст на сайт Адміністрацыі Лукашэнкі. Яна выказвала пратэст супраць удзелу Беларусі ў антыўкраінскай вайне.
4 красавіка жанчыну затрымалі, потым пасадзілі ў брэсцкае СІЗА. Рамановіч вінавацяь у абразе Лукашэнкі, якая нібыта была ў яе лісце, дасланым у Следчы камітэт.
