Жыхарка Полацку збірала на палігоне снарады, каб здаваць у металалом
Цэлы склад зброі знайшлі у сарайчыку ля дома непрацуючай жыхаркі Полацку супрацоўнікі міліцыі. У арсенале 52-гадовай цёткі былі дзве авіябомбы, 27 супрацьтанкавых снарадаў, тры артылерыйскіх снарада ды тры боегалоўкі ад РПГ. Як паведамляе УУС Віцебкага аблвыканкаму, баепрыпасы былі вучэбнымі. Жанчына збірала іх на закінутым танкавым палігоне ды здавала ў металалом.
