Жыхарам Горак прапанавалі бясплатна пакаштаваць хлеб і батон на зубачыстках

Незвычайную акцыю правяло ў Горках прадпрыемства "Дамачай". 

Каля дзіцячага парку яно арганізавала дэгустацыю... хлеба і батона. Невялікія кавалчкі звычайнага хлеба на зубачыстках можна было пакаштаваць задарма. Рэкламавалася гэтая акцыя як "14 відаў хлеба і батонаў".

Пры гэтым мясцовыя ТГ-каналы адзначаюць, што прадукцыяй "Дамачая" і так заваленыя ўсе крамы Горак. Канкурэнтаў гэтае булачна-кандытарскае прадпрыемства проста не мае.