Журналісты вырашылі зафарбаваць рэкламу наркотыкаў, але нешта пайшло не так

Наста Бойка выбірае фарбу, каб зафарбоўваць графіці з рэкламай наркотыкаў.Фота тут і далей: Раман Пратасевіч / Еўрарадыё
Наста Бойка выбірае фарбу, каб зафарбоўваць графіці з рэкламай наркотыкаў.Фота тут і далей: Раман Пратасевіч / Еўрарадыё

Уважлівы чалавек можа знайсці ў мінскім мікрараёне Малінаўка шмат графіці з рэкламай наркотыкаў. Адрасы Telegram-каналаў і ботаў, якія прадаюць псіхатропы, красуюцца на жылых дамах, трансфарматарных будках і нават на адным з гандлёвых цэнтраў.

За месяц, які прайшоў з часу, як невядомыя трафарэтчыкі распісалі раён, з надпісамі не адбылося ўвогуле нічога: ні камунальнікам, ні міліцыі да іх не было ніякай справы. 21 сакавіка журналісты Еўрарадыё вырашылі, што выратаванне тапельцаў — справа рук саміх тапельцаў. Мы скінуліся на фарбу і пэндзлі, і ўвечары пасля працы адправіліся зафарбоўваць рэкламу наркотыкаў самі.

Журналисты решили закрасить рекламу наркотиков, но что-то пошло не так

Для пачатку мы патэлефанавалі ў адміністрацыю ГЦ "Базіс". Там нам адказваюць, што самі прыбяруць рэкламу телеграм-канала з наркотыкамі са сцяны гандлёвага цэнтра: гэта лепш рабіць не фарбай, а растваральнікам, і трэба пачакаць, пакуль усталюецца добрае надвор'е. Верым і адразу едзем па іншых адрасах, дзе заўважаная шкодная рэклама.

Журналисты решили закрасить рекламу наркотиков, но что-то пошло не так
Рэклама на металічнай сцяне ГЦ "Базіс" застаецца.

Неверагодна, але факт: усе назвы телеграм-каналаў, якія яшчэ раніцай адсвечвалі на звыклых месцах, раптам апынуліся зафарбаваныя! Вось яна — сіла прэсы! Ці сіла думкі?

Журналисты решили закрасить рекламу наркотиков, но что-то пошло не так

У некаторых месцах тэкст праступіў скрозь фарбу. Мы гатовыя падзяліцца з камунальнікамі матэрыяламі, што засталіся ў нас. На добрую справу не шкада!

 

Самім зафарбоўваць наркаграфіці не забаронена, выканкам толькі дзякуй скажа

У адміністрацыі Маскоўскага раёна нам расказалі, што выдаляць рэкламу наркотыкаў са сцен дамоў і трансфарматарных станцый жыхарам не забаронена.

Журналисты решили закрасить рекламу наркотиков, но что-то пошло не так

"Можаце зафарбоўваць, — кажа начальнік аддзела гарадской гаспадаркі адміністрацыі Ігар Чарнецкі. — Я не буду супраць, нават скажу вялікі дзякуй. Адзінае, што папрасіў бы: хоць часткова ўлічваць каляровую гаму. Таму што, на жаль, патрэбныя колеры часам не могуць падабраць нават нашы камунальныя службы".

Ігар Чарнецкі просіць неабыякавых мінчан фатаграфаваць наркаграфіці і дасылаць разам з адрасамі ў раённую адміністрацыю на e-mail: [email protected]. Гэта дапаможа паскорыць іх выдаленне.

У міліцыі Маскоўскага раёну Мінска нам пацвердзілі: затрымліваць грамадзян, якія дапамагаюць камунальнікам зафарбоўваць рэкламу наркотыкаў, не будуць.

Журналисты решили закрасить рекламу наркотиков, но что-то пошло не так

Чаму рэклама наркотыкаў падоўгу не знікае са сцен?

Ігар Чарнецкі кажа, што прычынай могуць быць ўмовы надвор'я — лепш не фарбаваць сцены ў дождж ды ў мінусавую тэмпературу. А залішняя аператыўнасць часам прыводзіць да таго, што сцены зафарбоўваюцца неакуратна, што таксама дрэнна.

Журналисты решили закрасить рекламу наркотиков, но что-то пошло не так

Высветліць, хто ж зафарбаваў наркатычныя графіці неўпрост перад прыходам журналістаў, у нас не атрымалася. Ды не вельмі-та і хацелася: якая розніца хто, як і чаму: карысная справа-та зроблена!

Больш важных падзей тыдня ў выніковай праграме ЕЎРАЗУМ:

Апошнія навіны

Галоўнае

Выбар рэдакцыі