Плануюць зноў перанесці помнік "Пакутнікам за волю і незалежнасць Беларусі"
З 2011-га ён знаходзіцца на рагу вуліц Машэрава і Вялікі Гасцінец, а да таго часу быў у скверы каля Цэнтральнай плошчы ў Маладзечне.
На гэты раз перанос помніка звязаны з будаўніцтвам на тэрыторыі "Парку Перамогі" двух валейбольных пляцовак і аўтамабільнай паркоўкі (у парку!). На тым месцы, дзе ён зараз знаходзіцца, мясцовыя ўлады плануюць зрабіць заезд у парк. Дзе дакладна паставяць помнік, пакуль невядома. Магчыма, яго "проста крыху адсунуць у бок".
