Затрыманых каля мінскага аўтазавода апазіцыянераў адпусцілі
Сябры Аб'яднанай грамадзянскай партыі Антон Жылко і Дзмітрый Кавалгін раздавалі каля прахадной інфармацыйны бюлетэнь "Голас розуму".
Гэтае выданне "заклікае змагацца за сумленныя выбары ў Беларусі".
Праз 10 хвілін іх затрымалі міліцыянты і павезлі ў пастарунак. Узялі тлумачэнні і папярэдзілі, што могуць выклікаць па выніках экспертызы канфіскаваных матэрыялаў. Праз тры гадзіны Жылко (на здымку) і Кавалгін апынуліся на волі, паведамляе Радыё Свабода.
Фота — ucpb.org
