Замест Штайнмаера ў Кіеве чакаюць канцлера ФРГ Олафа Шольца

Канцлер Германіі Олаф Шольц​ / Reuters
Канцлер Германіі Олаф Шольц​ / Reuters

Украінскія ўлады запрашаюць наведаць Кіеў канцлера Германіі Олафа Шольца.

Раней, нагадаем, туды хацеў прыехаць прэзідэнт ФРГ Франк-Вальтэр Штайнмаер. Але ў Кіеве яму далі зразумець, што такая паездка непажаданая. Штайнмаер быў кіраўніком МЗС у часы Ангелы Меркель і развіваў адносіны з Расіяй. Такая палітыка, лічаць у Кіеве, прывяла да цяперашняга крызісу.

Але канцлера Шольца ва Украіне былі б рады бачыць.

"Мы паведамілі, што наш прэзідэнт і наш урад былі б вельмі рады, калі б канцлер Олаф Шольц наведаў Кіеў", — заявіў пасол Украіны ў Германіі Андрэй Мельнік у эфіры нямецкага тэлеканала ProSieben ў аўторак, 12 красавіка. З Шольцам у Кіеве хацелі б абмеркаваць пастаўкі цяжкага ўзбраення Украіне. Гэта паведамляе Deutsche Welle.

Сёння ў Кіеў накіроўваюцца кіраўнікі Польшчы і прыбалтыйскіх краін — Літвы, Латвіі і Эстоніі. Запланаваная іх сустрэча з прэзідэнтам Украіны Уладзімірам Зяленскім.

.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі