Залужны сказаў, што яго раздражняе, калі кажуць пра павольны ўкраінскі наступ
Валерый Залужны / washingtonpost.com / washingtonpost.com
Галоўнакамандуючы Узброеных сіл Украіны генерал Валерый Залужны ў інтэрв'ю The Washington Post пракаментаваў сітуацыю на фронце. Ён прызнаўся, што яго раздражняе, калі кажуць пра павольны ўкраінскі наступ.
"Гэта не шоў, — кажа Залужны. — Гэта не шоў, за якім назірае ўвесь свет, на якое робяць стаўкі ці нешта падобнае. Кожны дзень, кожны метр даецца крывёю".
Генерал падкрэслівае, што заходнія партнёры ніколі не пачалі б наступаць, не маючы перавагі ў паветры, як гэта зрабілі ўкраінцы. Украіна дагэтуль не мае сучасных знішчальнікаў, тых жа F-16 амерыканскай вытворчасці.
"Таму што праціўнік выкарыстоўвае авіяцыю іншага пакалення, — кажа Валерый Залужны. — Гэта як калі б мы цяпер пайшлі ў наступ з лукам і стрэламі. І ўсе сказалі б: "Ты што, звар'яцеў?".
Галоўнакамандуючы Узброеных сіл Украіны адзначае, што яму было б дастаткова абмежаванай колькасці сучасных самалётаў: "Мне не патрэбныя 120 самалётаў. Я не збіраюся пагражаць усяму свету".
