Загінуў былы футбаліст зборнай Украіны і кіеўскага "Дынама" Андрэй Гусін
Трагічнае здарэнне адбылося 17 верасня. 41-гадовы Гусін разбіўся на матацыкле на аўтадроме "Чайка" ў Кіеве.
Ён выехаў на кальцавы трэк трасы і на адным з віражоў вылецеў з сядла. Андрэй Гусін памёр, не прыходзячы ў прытомнасць.
Як адзначае УНІАН, Гусін больш за 10 гадоў быў адным з вядучых футбалістаў зборнай Украіны. 7 разоў ён станавіўся чэмпіёнам краіны ў складзе кіеўскага "Дынама". Пасля заканчэння кар'еры футбаліста Андрэй Гусін займаўся трэнерскай дзейнасцю.
Фота — dynamo.kiev.ua
