За "здзек" над чырвона-зялёным сцягам у Мінску затрыманая жыхарка Лідчыны
![Момант "здзеку" над сцягам / t.me/skgovby](/sites/default/files/styles/gallery_main/public/2023-08/Sciah.jpg.webp?itok=onrHe0Lx)
Момант "здзеку" над сцягам / t.me/skgovby
За "здзек" над чырвона-зялёным сцягам у Мінску затрыманая 26-гадовая жыхарка Лідскага раёна. Прэс-служба Следчага камітэта раніцай 26 кастрычніка паведамляла, што здарэнне адбылося... увечары 26-га. Пасля з'явілася праўка — ноччу.
Госця сталіцы сарвала сцяг з адной з забаўляльных устаноў на Зыбіцкай і кінула яго на зямлю. Сцвярджаецца, што "ў момант здзяйснення злачынства падазраваная была п'яная". Яе затрымала міліцыя. Сілавікі дапыталі і хлопца, які таксама трапіў на відэа. Паводле яго слоў, ён у той вечар толькі пазнаёміўся з дзяўчынай і яе паводзіны "для яго сталі нечаканасцю", бо пра палітыку яны не размаўлялі. У дачыненні жыхаркі Лідскага раёна распачалі крымінальную справу.
![За "здзек" над чырвона-зялёным сцягам у Мінску затрыманая жыхарка Лідчыны](/sites/default/files/styles/default_image_paragraph_watermark/public/paragraphs/image/26.png.webp?itok=UX9kgp0r)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.