За "распаўсюд экстрэмісцкіх матэрыялаў" затрымалі 237 чалавек
![За "распаўсюд экстрэмісцкіх матэрыялаў" затрымалі 237 чалавек](/sites/default/files/styles/gallery_main/public/2023-08/handcuffs-921290_1280.jpg.webp?itok=wHvbNFtf)
З пачатку 2022 года за "распаўсюд экстрэмісцкіх матэрыялаў" у Беларусі затрымалі 237 чалавек, паведамілі ў МУС Беларусі. За ўвесь мінулы год у краіне было 315 такіх затрыманых. Такім чынам, сёлета ГУБАЗіК можа "палепшыць паказчыкі". Міліцыянеры тлумачаць павелічэнне затрыманых тым, што ў краіне ўсё больш тэлеграм-каналаў прызнаюць "экстрэмісцкімі" (іх цяпер 633), а не ўсе беларусы "усведамляюць адказнасць за распаўсюд падобных матэрыялаў". Гэтым людзям пагражае адміністрацыйная адказнасць.
Начальнік аддзела ГУБАЗіК МУС Юрый Ткачук кажа, што цяпер "разглядаецца ініцыятыва, у адпаведнасці з якой грамадзяне могуць быць прыцягнуты да адказнасці ў тым ліку і за падпіску на падобныя інтэрнэт-рэсурсы".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.