За хабар судзяць міліцыянта, які запэўніваў, што ў Міёрах хабар не бяруць
![За хабар судзяць міліцыянта, які запэўніваў, што ў Міёрах хабар не бяруць](/sites/default/files/styles/gallery_main/public/2023-08/chabar-3001.jpg.webp?itok=_cAx8vcj)
У Віцебскім абласным судзе судзяць былога старэйшага оперупаўнаважанага АБЭЗ Міёрскага РАУС Аляксандра Літвінава. Яго вінавацяць у карупцыйных злачынствах, пішуць "Народныя навіны Віцебска".
Міліцыянту выставілі абвінавачанні ў атрыманні хабару, бяздзейнасці службовай асобы і перавышэнні службовых паўнамоцтваў з карысці. Працэс праходзіць у закрытым рэжыме, удакладніла афіцыйная прадстаўніца суда Наталля Платоненка.
Дарэчы, яшчэ напрыканцы 2018 года гэты самы Літвінаў у інтэрв'ю мясцовай газеце расказваў, што карупцыі ў раёне няма.
"Такія злачынствы як атрыманне ці дача хабару больш уласцівы для буйных гарадоў. На Міёршчыне падобных фактаў у апошнія гады не выяўлена", — прыводзіць яго словы газета "Міёрскія навіны".