За акцыю на "Лужніках" перад Пуціным на Pussy Riot склалі пратаколы (відэа)
![За акцыю на "Лужніках" перад Пуціным на Pussy Riot склалі пратаколы (відэа)](/sites/default/files/styles/gallery_main/public/2023-08/2018-07-15t201104z_163190357_rc1d1cda87f0_rtrmadp_3_soccer-worldcup-best.jpg.webp?itok=XfVUROT4)
За акцыю на маскоўскім стадыёне "Лужнікі" ў фінале чэмпіянату свету па футболе перад Уладзімірам Пуціным на ўдзельнікаў Pussy Riot склалі адміністрацыйныя пратаколы. Чацвёра чалавек (Пётр Вярзілаў, Вольга Курачава, Вольга Пахтусава і Ніка Нікульшына) выбеглі на футбольнае поле на 50-й хвіліне. Матч Францыя — Харватыя быў спынены, парушальнікаў затрымалі. Як стала вядома, удзельнікі акцыі запатрабавалі вызвалення палітзняволеных і стварэння палітычнай канкурэнцыі ў Расіі. Афіцэр паліцыі ў аддзеле ўнутраных спраў "Лужнікі" сказаў затрыманым: "Я часам шкадую, што цяпер не 37-ы год". Гэта трапіла на відэа.
Пратаколы былі складзены па фактах "парушэння правілаў паводзін гледачоў пры правядзенні афіцыйных спартыўных спаборніцтваў" і "незаконным нашэнні форменнага адзення са знакамі адрознення, з сімволікай дзяржаўных ваенізаваных арганізацый, праваахоўных ці кантралюючых органаў" (удзельнікі Pussy Riot былі ў форме праваахоўнікаў, акцыя называлася "Міліцыянер уступае ў гульню"), інфармуе meduza.io.
"Я жалею, что сейчас не 37-й год". Допрос Pussy Riot после их акции на Чемпионате Мира. Петя Верзилов @gruppa_voina - майор! pic.twitter.com/EC66A9SaYT
— Alexey Navalny (@navalny) 15 июля 2018 г.