За абразу аднаго міліцыянта заведзена шэсць крымінальных спраў

Патрульныя сяржанты міліцыі на дзяжурстве ў Мінску, ілюстрацыйнае фота / "Мінск-Навіны"​
Патрульныя сяржанты міліцыі на дзяжурстве ў Мінску, ілюстрацыйнае фота / "Мінск-Навіны"​

За абразу міліцыянта з Бабруйска распачата 6 крымінальных спраў, паведамляе прэс-сакратарка МУС Вольга Чамаданава.

Справы завялі на траіх жыхароў Бабруйска, магілёўца, пенсіянерку з Клімавічаў і мінчука. Усе шасцёра грамадзян размясцілі ў Інтэрнэце "злосныя каментары" на адрас участковага інспектара з УУС Бабруйскага гарвыканкама.

Прэс-сакратарка МУС прыводзіць падрабязнасці ў дачыненні да некаторых фігурантаў крымінальных спраў.

Так, затрыманы мінчук прызнаны падазраваным па 13 крымінальных справах — ён пагражаў і абражаў работнікаў дзяржорганаў. Мужчыну таксама прыцягвалі больш за 30 разоў да адміністрацыйнай адказнасці па лініі ДАІ.

Яшчэ адзін затрыманы, магілёвец, раней ужо быў судзімы за выказванні, якія зневажаюць гонар і годнасць гэтага самага ўчастковага з Бабруйска.

Тады яму прызначылі два гады "хатняй хіміі" і абавязалі выплаціць кампенсацыю за маральную шкоду. Раней магілёўца таксама прыцягвалі да крымінальнай адказнасці за крадзеж і ўхіленне ад выплаты аліментаў.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі