За 2017 год Мінінфарм вынесла 13 папярэджванняў СМІ
І знайшла 320 праяваў экстрэмізму.
За 2017 год Міністэрства інфармацыі вынесла 13 пісьмовых папярэджанняў — тром СМІ і сямі інфармацыйным рэсурсам. Прычым адно з іх атрымала папярэджанні двойчы, і яшчэ адно — тройчы. Пра гэта гаворыцца ў афіцыйным адказе за подпісам першага намесніка міністра інфармацыі Ігара Луцкага, які атрымаў прэс-сакратар ГА “БАЖ” Барыс Гарэцкі.
Па словах чыноўніка, найбольшая колькасць парушэнняў у СМІ сёлета — гэта распаўсюд недакладнай інфармацыі.
Таксама сёлета Мінінфарм абмежаваў доступ да 106 інфармацыйных інтэрнэт-рэсурсаў.
У перыяд з 1 студзеня па 1 снежня 2017 года Рэспубліканская экспертная камісія па ацэнцы інфармацыйнай прадукцыі на прадмет наяўнасці (адсутнасці) ў ёй прыкмет праяваў экстрэмізму 320 разоў знаходзіла ў матэрыялах праявы экстрэмізму.