З-за расійскіх самалётаў у Японіі аб'явілі трывогу — падымалі знішчальнікі
Расійскія супрацьлодачныя самалёты Іл-38 у чацвер здзейснілі палёт уздоўж цэнтральнай часткі выспы Хансю з боку Японскага мора.
Як паведамляе Аб'яднаны штаб сілаў самаабароны Японіі, паветраная прастора парушаная не была. Тым не менш, ваенна-паветраныя сілы былі паднятыя па трывозе.
Як інфармуе РІА "Новости", расійскія самалёты здзейснілі палёт з паўднёвага захаду на паўночны ўсход ды вярнуліся на мацярык. Афіцыйных каментароў Мінабароны Расіі пакуль няма.
Падобныя здарэнні ўжо адбыліся сёлета ў красавіку і траўні. Тады расійскія самалёты таксама праляцелі каля Японіі, але паветраную прастору не парушалі.
Нагадаем, Іл-38 быў распрацаваны на аснове пасажырскага самалёта Іл-18 і прызначаны для высочвання і знішчэння падводных лодак праціўніка.
Фота — ria.ru