З-пад варты вызвалілі сябра Каардынацыйнай рады Віталя Крыўко
12 лістапада з-пад варты быў вызвалены Віталь Крыўко — сябра асноўнага складу Каардынацыйнай рады і перадвыбарчага штаба Віктара Бабарыкі. Пра гэта паведамляе КР у сваім Telegram-канале.
Крыўко — сузаснавальнік і дырэктар маркетынгавага агенцтва Terra Group. Затрымалі яго 28 жніўня.
Раней з-за кратаў былі вызваленыя яшчэ некалькі чалавек, затрыманыя па палітычных матывах, у тым ліку юрыстка Лілія Уласава, якая ўваходзіць у прэзідыум Каардынацыйнай Рады. Аднак за кратамі па-ранейшаму застаецца больш палітвязняў, чым было вызвалена.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.