З былых палітвязняў спаганяюць грошы за турэмныя робы
Бабруйская калонія судзіцца з удзельнікамі Плошчы-2010 праз два гады пасля іх вызвалення.
Сяргей Казакоў на суд 16 снежня не пайшоў. Ён атрымаў грамадзянскі пазоў Бабруйскай калоніі, дзе адбываў пакаранне, піша nn.by.
Казакоў кажа, што з яго спаганяюць 160 тысяч рублёў за робу, якую выдавалі ў калоніі. Экс-палітвязня дзівіць, што калонія ўспомніла пра яго праз два з паловай года пасля вызвалення.
У Змітра Дразда суд з той жа калоніяй адбудзецца 27 снежня. Прэтэнзіі да яго — тыя ж.
Казакоў і Дрозд выйшлі на свабоду ў жніўні 2011.
Фота — clip.dn.ua