З 24 лютага з Украіны незаконна спрабавалі з'ехаць 12 тысяч ваеннаабавязаных
Група затрыманых пры спробе перабрацца праз мяжу / dpsu.gov.ua
З 24 лютага 2022-га, з увядзення вайсковага становішча, з Украіны незаконна спрабавалі з'ехаць 12 тысяч ваеннаабавязаных. Каля 8200 чалавек з іх рабілі спробу перабрацца за мяжу па-за пунктамі пропуску. Іншыя намагаліся схітраваць на пашпартным кантролі, паведамляе Дзяржаўная памежная служба Украіны.
15 чалавек пры спробах нелегальна перайсці мяжу загінулі: трое — у гарах, астатнія — патанулі ў рэчках на мяжы з Румыніяй.
