З 15 лютага вырастуць цэны на скупку каштоўных металаў у насельніцтва
З 15 лютага ў Беларусі вырастуць цэны на скупку каштоўных металаў у насельніцтва (акрамя набыцця банкамі каштоўных металаў у выглядзе мерных зліткаў і манет у фізасобаў). Адпаведнае рашэнне яшчэ 9 лютага прыняло Міністэрства фінансаў, у суботу яно апублікаванае на Нацыянальным прававым інтэрнэт-партале.
Праз два дні кошт за золата ў вырабах i ломе 375-й і 900-й пробы вырасце за грам амаль на 17% — да 236 350 і 567 230 рублёў адпаведна. Кошт плаціны 950-й пробы ў вырабах i ломе павялічыцца амаль на 4% і складзе 465 260 рублёў. Што тычыцца скупачных цэн на каштоўныя металы ў выглядзе зубатэхнічнай прадукцыі, то цана за зубныя пратэзы, элементы зубных пратэзаў з утрыманнем золата 900/750-й пробы вырасце на 16,7% — да 557 780 рублёў.
Апошні раз цэны на скупку вырабаў і лому з каштоўных металаў у фізічных асобаў у Беларусі павышаліся 10 верасня 2015 года
