"Ёкерыт" сёлета не будзе байкатаваць гульню ў гасцях у мінскага "Дынама"
Фінскі хакейны клуб "Ёкерыт" сёлета не будзе байкатаваць гульню ў гасцях у мінскага "Дынама". Матч прызначаны на 12 снежня.
"У параўнанні з вераснем 2020-га сітуацыя супакоілася. У цэлым, мы спадзяемся, што хутка ў Беларусі ўсё хутка наладзіцца", — кажа генеральны менеджэр клуба Яры Куры.
Па яго словах, сёння "Ёкерыту" нічога не перашкаджае прыехаць у Мінск, але пры нейкіх зменах рашэнне можа памяняцца.
У верасні 2020-га на фоне масавых пратэстаў у Беларусі "Ёкерыт" адмовіўся ляцець у Мінск. Кантынентальная хакейная ліга залічыла фінскаму клубу тэхнічную паразу.
