Янчэўскага выключылі з камісій па эканамічнай і інфармацыйнай бяспецы

Усевалад Янчэўскі​ / sb.by
Усевалад Янчэўскі​ / sb.by

Аляксандр Лукашэнка перагледзеў склады Міжведамасных камісій па бяспецы ў эканамічнай і інфармацыйнай сферы пры Савеце Бяспекі РБ. Указ быў падпісаны 29 сакавіка.

З камісіі па эканамічнай бяспецы выключылі былога міністра антыманапольнага развіцця і гандлю Уладзіміра Калтовіча, дырэктара ПВТ Усевалада Янчэўскага, эканаміста Георгія Грыца і старшыню Рэспубліканскага саюза прамыслоўцаў і прадпрымальнікаў Аляксандра Швеца.

Новы склад камісіі па эканамічнай бяспекі цяпер выглядае так:

Берчанка Наталля Генадзеўна  дырэктарка Навукова-даследчага эканамічнага інстытута Міністэрства эканомікі Рэспублікі Беларусь;

Багданаў Аляксей Ігаравіч — міністр антыманапольнага рэгулявання і гандлю;

Ягораў Аляксей Уладзіміравіч — рэктар Беларускага дзяржаўнага эканамічнага ўніверсітэта;

Касцевіч Ірына Анатолеўна — міністр працы і сацыяльнай абароны;

Лабовіч Андрэй Валянцінавіч — намеснік старшыні Камітэта дзяржаўнага кантролю;

Налівайка Сяргей Эдуардавіч — міністр па падатках і зборах;

Печань Алена Мікалаеўна — намесніца міністра фінансаў;

Прымшыц Дзмітрый Вітольдавіч — намеснік старшыні Нацыянальнай дзяржаўнай тэлерадыёкампаніі;

Суравец Сяргей Віктаравіч — начальнік галоўнага эканамічнага ўпраўлення Апарату Савета Міністраў Рэспублікі Беларусь;

Тарасевіч Жанна Казіміраўна — дырэктарка Бізнес-саюза прадпрымальнікаў і наймальнікаў імя прафесара М. С. Куняўскага.

Таксама ў склад камісіі па эканамічнай бяспецы цяпер будзе ўваходзіць начальнік Галоўнага ўпраўлення па контрразведвальным забеспячэнні аб'ектаў эканомікі КДБ.

Абнавіўся і склад Міжведамаснай камісіі па бяспецы ў інфармацыйнай сферы. Сюды ўключылі прэс-сакратара Аляксандра Лукашэнкі Наталлю Эйсмант, а таксама супрацоўнікаў Дзяржсакратарыята Савета Бяспекі Дзмітрыя Вайнілу і Адміністрацыі прэзідэнта Таццяну Шэндзік. У камісіі таксама будзе працаваць першы намеснік старшыні КДБ. Усевалада Янчэўскага выключылі са складу гэтай камісіі.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі