Як кіраўнікі краін п’юць піва (фота)
Ангела Меркель, Барак Абама, Уладзімір Пуцін, Хілары Клінтан, Тоні Блэр... у пятнічнай фотападборцы Еўрарадыё.
Палітыкі — таксама жывыя людзі, і нішто чалавечае ім не чужое.
Найбольшыя аматары пеннага напою — Барак Абама і Ангела Меркель. Прычым канцлер Германіі ідзе з куфлем на чале вялікай арміі нямецкіх чыноўнікаў, якія не ўяўляюць свайго жыцця без піва.
Прэзідэнт ЗША таксама не любіць піць адзін.
Абама вельмі любіць цёмнае ірландскае піва і святкуе Дзен Святога Патрыка толькі з ім!
Быць бліжэй да народа імкнецца шмат хто з амерыканскіх палітыкаў. Вось з півам колішнія прэзідэнты ЗША Джордж Буш-малодшы і Біл Клінтан. А на наступным фота Рональд Рэйган адзначае Дзень Святога Патрыка ў далёкім 1988 годзе...
Біл Клінтан разам з капітанам зборнай ЗША па футболе Карласам Баканеграм.
Вось яшчэ адзін гістарычны здымак: Вацлаў Гавел запрасіў Біла Клінтана і Мадлен Олбрайт у славуты пражскі рэстаран "Залаты тыгр":
Не адстае ад мужчын былая першая лэдзі, а сёння — Дзяржсакратар Хілары Клінтан.
Але сакрэт поспеху ўсё ж не ў піве. Любяць пенны напой і менш папулярныя амерыканскія палітыкі: кандыдаты ў прэзідэнты Джым Керы і Рык Санторум. Але больш паспяховымі ад гэтага не робяцца:
Красавік 1997-га, Тоні Блэр толькі-толькі стаў брытанскім прэм'ерам. У кожнай руцэ ён трымае па куфалі з півам прысвечанага яму гатунка.
Хіба можа не любіць піва Вацлаў Клаўс, прэзідэнт самай піўной краіны Еўропы — Чэхіі?
А вось і колішні прэзідэнт Латвіі Валдзіс Залтэрс. Таксама з півам!
Любіць піва і прэзідэнт Расіі Уладзімір Пуцін:
А што п'е Аляксандр Лукашэнка?
Здымкаў кіраўніка Беларусі з куфлем піва Еўрарадыё не знайшло, як мы ні шукалі. На афіцыйных мерапрыемствах Аляксандр Лукашэнка п'е шампанскае:
А ў вядомым відэа, пасля перамогі Вікторыі Азаранкі ў Australian Open, Лукашэнка просіць наліць яму... гарбаты! Таксама з народам, але па-свойму!