Як Беларусь саступае ў барацьбе з алкагалізмам

Прычым, па звестках СААЗ, Беларусь займае лідарскія пазіцыі ў свеце менавіта па спажыванні моцнага алкаголю. Але пра гэта далей.

Разам з тым яшчэ некалькі гадоў таму Мінздароўя са спасылкай на СААЗ расказваў пра тое, чаму трэба зніжаць спажыванне алкаголю:

— Паводле звестак СААЗ, спажыванне чалавекам больш як васьмі літраў алкаголю нясе пагрозу не толькі здароўю, але і вядзе да дэградацыі грамадства, зніжэння працоўнай прадукцыйнасці і ўплывае на наступныя пакаленні.
 

Што п'юць беларусы?

Распаўсюджанае меркаванне, што ўсю дрэнную статыстыку па алкагалізме і ў цэлым па колькасці алкаголю, які выпіваецца, нам "робяць" пладова-ягадныя віны. Калі зазірнуць у афіцыйную статыстыку, гэта не так.

На гарэлку прыпадае 45,8% прададзенага алкаголю за год, на піва — 21,5%, а на вінаградныя віны — 10,7%. Пладовыя віны каторы год запар губляюць сваю папулярнасць. Зразумела, гэта статыстыка па продажах, у якой не ўлічаны тыя ж "свойскія віны", але наўрад ці яны прыкметна могуць змяніць карціну.

Ужо ёсць і статыстыка па першым квартале 2021 года. За першыя тры месяцы беларусы сталі купляць прыкметна больш пеністых вінаў (+7,4%), каньяку і брэндзі (+13%) і лікёраў (+9%). А цяпер увага: у параўнанні з першым кварталам 2020-га слабаалкагольных напояў прадалі на 48,9% больш.

Такія вось поспехі нацыянальнай барацьбы з алкагалізмам.