Як Азаранка рыхтуецца да першага з лета 2017-га паядынку на корце (відэа)
З’явілася відэа, як Вікторыя Азаранка рыхтуецца да першага з лета 2017-га паядынку на корце. Яго апублікавала WTA ў Twitter. Беларуская тэнісістка паўдзельнічае ў турніры ў Індыян-Уэльсе ў ЗША, ад арганізатараў якога яна атрымала “уайлд кард”. У першым крузе Азаранка сустрэнецца з Хізер Уотсан з Вялікабрытаніі, 70-й ракеткай свету. У рэйтынгу беларуска пакуль 204-я.
Як вядома, Вікторыя Азаранка не выступала з ліпеня мінулага года з-за суда па справе аб апякунстве над яе сынам, які праходзіў у ЗША (бацька хлопчыка — амерыканец). Сёлета суд узяў бок тэнісісткі, былой першай ракеткі свету, і яна змагла вярнуцца на корт.
She's back!@Vika7 Azarenka is gearing up for her comeback on the @BNPParibasOpen practice courts pic.twitter.com/ZQ3LpxxLxv
— WTA (@WTA) 6 марта 2018 г.
