Выкладчыкі Акадэміі мастацтваў усталі на абарону адлічаных студэнтаў
Беларуская дзяржаўная акадэмія мастацтваў / "Вікіпедыя"
З патрабаваннем аднавіць адлічаных студэнтаў да адміністрацыі Беларускай дзяржаўнай акадэміі мастацтваў звярнуліся выкладчыкі і супрацоўнікі ВНУ. Відэазварот быў апублікаваны ў тэлеграм-канале Minsk theatre live.
"Выкладчыкі і супрацоўнікі Беларускай дзяржаўнай акадэміі мастацтваў адкрыта выступаюць супраць адлічэння студэнтаў. Мы лічым дзеянні адміністрацыі акадэміі незаконнымі, таму што студэнты былі адлічаныя за сваю грамадзянскую пазіцыю", — гаворыцца ў звароце.
Выкладчыкі заявілі, што не разумеюць і не прымаюць ніякіх апраўданняў такім дзеянням.
Студэнты БДАМ актыўна ўдзельнічалі ў студэнцкіх пратэстах. Трое былі адлічаныя 26 верасня — практычна адразу пасля слоў Лукашэнкі: "Хто выйшаў у парушэнне закона на несанкцыянаваную акцыю, ён пазбаўляецца права быць студэнтам".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
