Вы тут

Выкінутых з распаўсюду часопісаў за два дні прадалі больш, чым звычайна за месяц

Рэдактар часопісаў "Наша гісторыя", "Асцярожна: дзеці!" і "Дуду" Андрэй Дынько / Еўрарадыё

Дзяржаўнае прадпрыемства "Белсаюздрук" выкінула з распаўсюду часопісы "Наша гісторыя", "Асцярожна: дзеці!" і "Дуду". "Белсаюздрук" у аднабаковым парадку разарваў кантракт.

Выдаўцы прапанавалі чытачам купляць часопіс у рэдакцыі і пісаць звароты да ўладаў з просьбай вярнуць у кіёскі беларускамоўныя часопісы.

І за два дні здолелі прадаць больш часопісаў, чым звычайна за месяц. "У касавым апараце скончыўся запас стужкі, тры разы пазычалі ў суседніх крамах, — піша рэдактар часопісаў Андрэй Дынько. — Гэта было прыгожа, столькі салідарнасці ў нашым народзе цяпер. У выніку, насуперак тым, каго Янка Купала называў "ворагамі беларушчыны", у часопісаў з'явяцца новыя чытачы, якія раней і не ведалі пра іх".

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.