Вярхоўны суд ЗША дазволіў Трампу балатавацца на пасаду прэзідэнта
![Дональд Трамп](/sites/default/files/styles/gallery_main/public/2024-03/tramp-0403.jpg.webp?itok=aI_xEsEi)
Дональд Трамп / Mike Segar / Reuters
Вярхоўны суд ЗША забараніў штатам выкрэсліваць імя Дональда Трампа з бюлетэняў на прэзідэнцкіх выбарах.
Рашэнне Вярхоўнага суда абавязковае для выканання па ўсёй краіне.
У снежні 2023-га суд штата Каларада выключыў Трампа з прэзідэнцкай гонкі. Пры гэтым суддзі спасылаліся на артыкул у Канстытуцыі ЗША, які забараняе ўдзельнічаць у выбарах службовым асобам, якія бралі ўдзел у паўстанні ці мяцяжы.
Вярхоўны суд скасаваў гэтае рашэнне, заявіўшы, што адказнасць за выкананне згаданага артыкула Канстытуцыі ляжыць на Кангрэсе ЗША, а не на штатах.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.