Вядомы беларускі сэксолаг Дзмітрый Капусцін эміграваў у Канаду
Разам з жонкай і дачкой ён перабраўся ў Эдмантан.
Першы прафесійны сэксапатолаг Беларусі, былы галоўны пазаштатны спецыяліст па сэксалогіі Міністэрства аховы здароўя Дзмітрый Капусцін эміграваў у Канаду, піша nn.by.
Гэтыя звесткі журналістам пацвердзілі ў абласным клінічным цэнтры "Псіхіятрыя-наркалогія" ў Мінску: там Капусцін працаваў да 2016 года.
Паведамляецца, што разам з жонкай і дачкой лекар пераехаў у Эдмантан.
Капусцін пачаў працаваць сексолагам у 1974 годзе. Яго кнігі (у суаўтарстве з У.Уладзіным) "Гармонія шлюбу", "Інтымны свет сям'і" і "Гармонія сямейных адносін" выйшлі ў СССР агульным накладам 1,5 мільёна асобнікаў.