Вячаслаў Сіўчык асуджаны ў Старых Дарогах на 15 сутак арышту
На 15 сутак адміністрацыйнага арышту асуджаны ў горадзе Старыя Дарогі (Мінская вобласць) палітык Вячаслаў Сіўчык. Такое рашэнне прыняў 23 красавіка раённы суд. Нагадаем, Сіўчыка сёння раніцай у Мінску каля будынка Маскоўскага суда
затрымалі міліцыянты са Старых Дарог і завезлі ў свой горад. Палітыка
абвінавацілі ў правядзенні несанкцыянавага мерапрыемства.
Як паведамляе БелаПАН, 19 красавіка Сіўчык браў удзел ва ўсталяванні мемарыяльнага крыжа каля вёскі Дражна Старадарожскага раёна ў памяць забітых савецкімі партызанамі ў 1943 годзе мірных жыхароў. Крыж усталявалі недалёка ад могілак, дзе пахаваныя ахвяры той трагедыі. У акцыі ўдзельнічалі і мясцовыя жыхары.
Супрацоўнікі сілавых структур і прадстаўнікі ўлады спрабавалі ёй перашкодзіць.
Як ужо паведамляла Еўрарадыё, днямі крыж быў зламаны невядомымі.
Як паведамляе БелаПАН, 19 красавіка Сіўчык браў удзел ва ўсталяванні мемарыяльнага крыжа каля вёскі Дражна Старадарожскага раёна ў памяць забітых савецкімі партызанамі ў 1943 годзе мірных жыхароў. Крыж усталявалі недалёка ад могілак, дзе пахаваныя ахвяры той трагедыі. У акцыі ўдзельнічалі і мясцовыя жыхары.
Супрацоўнікі сілавых структур і прадстаўнікі ўлады спрабавалі ёй перашкодзіць.
Як ужо паведамляла Еўрарадыё, днямі крыж быў зламаны невядомымі.