Вольгу Кавалькову прысудзілі да 10 сутак арышту
Сяброўку Каардынацыйнай рады Вользе Кавальковай прысудзілі да 10 сутак адміністрацыйнага арышту. Яе прызналі вінаватай па двух артыкулах Адміністрацыйнага кодэкса: 23.34 (незаконнае масавае мерапрыемства) і 23.4 (супраціў міліцыянерам), перадае карэспандэнт Еўрарадыё з суда.
За правапарушэнні па кожным артыкуле Кавалькова атрымала па 5 сутак арышту, якія ў суме склаліся ў 10.
Вольгу Кавалькову судзілі ў рэжыме анлайн — увесь час пасяджэння яна знаходзілася ў мінскім ізалятары на завулку Акрэсціна. Паралельна з гэтым праходзіў суд над яшчэ адным сябрам прэзідыума Каардынацыйнай рады — Сяргеем Дылеўскім, кіраўніка стачкама на Мінскім трактарным заводзе. Яго таксама прысудзілі да 10 сутак арышту.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
