Вінярскі: пасля 146 дзён фінансавай блакады "Кнігазбору" разблакавалі рахункі
![Вінярскі: пасля 146 дзён фінансавай блакады "Кнігазбору" разблакавалі рахункі](/sites/default/files/styles/gallery_main/public/2023-08/6586.png.webp?itok=O_Tj5tXb)
Пасля 146 дзён фінансавай блакады мінскаму выдавецтву "Кнігазбор" разблакавалі рахункі. Пра гэта ў Facebook напісаў яго дырэктар Генадзь Вінярскі. Ён дадаў, што днямі супрацоўнікі выдавецтва атрымаюць першы заробак у 2021 годзе.
У студзені дзейнасцю "Кнігазбора" зацікавіўся Дэпартамент фінансавых расследаванняў КДК. Рахункі былі заблакаваныя і нельга было выдаваць кнігі, дырэктара цягалі на допыты. "З палітычнымі заявамі не выступалі, нічога палітычнага не выдавалі, — казаў тады Вінярскі. — Я не ведаю, што там яшчэ можна правяраць!".
Тым не менш, праверка цягнулася да лета.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.