Вікторыя Азаранка выпала з тройкі лідараў у рэйтынгу WTA
Польская тэнісістка Агнешка Радваньска з наступнага панядзелка зойме трэці радок, дзякуючы выхаду ў паўфінал на турніры ў Дохе.
А беларуска Вікторыя Азаранка страчвае адразу дзве пазіцыі ў рэйтынгу: на другім радку цяпер будзе кітаянка Лі На, на трэцяй — Радваньска. Такім чынам, Азаранка стане чацвёртай ракеткай свету. Дарэчы, летась беларуска была пераможцай на турніры ў Дохе, нагадвае “Прессбол”.
Топ-5 рэйтынгу WTA будзе выглядаць наступным чынам:
1. Серэна Уільямс (ЗША) — 12380
2. Лі На (Кітай) — 6690
3. Агнешка Радваньска (Польшча) — 5705
4. Вікторыя Азаранка (Беларусь) — 5681
5. Марыя Шарапова (Расія) — 5206