Віцяблянка здавала ў абменнік фальшывыя кітайскія грошы
![Віцяблянка здавала ў абменнік фальшывыя кітайскія грошы](/sites/default/files/styles/gallery_main/public/2023-08/juan-0111.jpg.webp?itok=gNIMrL37)
У адным з віцебскіх банкаў 29 кастрычніка міліцыянты затрымалі непрацуючую 42-гадовую мясцовую жыхарку, паведамляе прэс-служба УУС Віцебскага аблвыканкама.
Жанчына дала касіру фальшывую купюру наміналам 20 юаняў Народнага банка Кітая. Экспертыза паказала, што падробку зрабілі на кропельна-струмянёвым прынтары. Высветлілася, што жанчына была ў турпаездцы ў Кітаі. Адтуль яна вярнулася з сумай ў 1300 юаняў, адна з купюр апынулася падробкай.
Дарэчы, фальшывыя кітайскія купюры на Віцебшчыне трапляюцца вельмі рэдка. Такі факт за апошнія пару гадоў у вобласці толькі другі.