Віцебскія мытнікі "тармазнулі" 21 тону чышчаных грэцкіх арэхаў
21 тону чышчаных грэцкіх арэхаў затрымалі супрацоўнікі аператыўна-пошукавага аддзела Віцебскай мытні разам з супрацоўнікамі Аператыўнай мытні.
На аўтадарозе М-1 яны спынілі фуру DAF, якая ехала ў Расію. У грузавым адсеку аўтацягніка яны выявілі грэцкія арэхі. Праверка паказала, што кіроўца мае несапраўдныя суправаджальныя дакументы на тавар. А некаторыя маркіровачныя стыкеры былі пераклееныя дзеля таго, каб фальсіфікаваць краіну паходжання тавару.
Агульны кошт грузу склаў больш за 580 тысяч рублёў. Груз затрыманы. Віцебская мытня пачала адміністратыўную справу.
