Ваду ў пацярпелыя ад аварыі раёны Брэста будуць вазіць і ноччу (фота)
Увесь дзень і ўвесь вечар пацярпелыя ад аварыі ў водасістэме атрымліваюць ваду з пажарных аўтацыстэрнаў.
МНС прыцягвае тэхніку з суседніх раёнаў для паўнавартаснага забеспячэння насельніцтва, але ўсё адно да цыстэрнаў выстройваюцца чэргі, піша "Віртуальны Брэст".
Санэпідэмстанцыя катэгарычна забараніла ўжываць для ежы вадаправодную ваду ў дамах, якія трапілі ў зону надзвычайнай сітуацыі. Не рэкамендуецца ёю мыцца, і нават выкарыстоўваць для мыцця.
Як паведамляла Еўрарадыё, здарэнне ў Брэсце адбылося ўвечары 1 верасня. На некалькіх вуліцах пайшла вада з пахам фекаліяў. Прычына здарэння дагэтуль не высветленая.
Фота — virtual.brest.by
