Ва Украіне зацікавіліся масавымі пахаваннямі, выяўленымі пад Гомелем
Адразу некалькі кампетэнтных дзяржаўных органаў Украіны будуць правяраць факты прымусовага вывазу жыхароў Чарнігаўскай вобласці пад Гомель у канцы 1930-х гадоў. З адпаведнай просьбай да прэзідэнта Украіны Віктара Юшчанкі звярнуўся
беларускі грамадскі аргкамітэт па ўвекавечанню памяці ахвяраў
сталінскіх рэпрэсій.
Зварот быў перададзены ва ўкраінскую амбасаду ў Мінску, якая разаслала яго ва Украінскі інстытут нацыянальнай памяці, Службу бяспекі, Сакратарыят прэзідэнта і МЗС.
У суправаджальным лісце амбасада просіць гэтыя дзяржаўныя органы разгледзець зварот і праінфармаваць заяўнікаў і дыпламатычнае прадстаўніцтва аб выніках разгляду.
Нагадаем, сёлета пад Гомелем былі выяўленыя масавыя пахаванні расстраляных людзей. Мясцовыя жыхары сведчаць, што гэта – ахвяры НКВД, і што сярод іх ёсць украінцы, якіх прывозілі па чыгунцы.
БелаПАН
Зварот быў перададзены ва ўкраінскую амбасаду ў Мінску, якая разаслала яго ва Украінскі інстытут нацыянальнай памяці, Службу бяспекі, Сакратарыят прэзідэнта і МЗС.
У суправаджальным лісце амбасада просіць гэтыя дзяржаўныя органы разгледзець зварот і праінфармаваць заяўнікаў і дыпламатычнае прадстаўніцтва аб выніках разгляду.
Нагадаем, сёлета пад Гомелем былі выяўленыя масавыя пахаванні расстраляных людзей. Мясцовыя жыхары сведчаць, што гэта – ахвяры НКВД, і што сярод іх ёсць украінцы, якіх прывозілі па чыгунцы.
БелаПАН