Украінскія СМІ: Мілеўскі завяршыў кар’еру

Прапаноў па працаўладкаванню ў 29-гадовага нападаючага няма і гульнявой формы ён ужо не набярэ, інфармуе крыніца. Паводле журналістаў, менавіта нездавальняючы фізічны стан Мілеўскага стаў прычынай зрыву яго пераходу ў казахскі “Актабэ”, а ня рознагалоссі з былой камандай футбаліста.

Апошнім клубам Арцёма Мілеўскага быў турэцкі “Газіянтэпспар”, кантракт з ім футбаліст разарваў ў канцы мінулага года.

Мілеўскі добра вядомы ў Беларусі. У свой час нападаючы адмовіўся выступаць за зборную нашай краіны і з’ехаў ва Украіну, грамадзянства якой прыняў.