Украінскіх вайскоўцаў праважалі пад... нацысцкі марш
Здарэнне адбылося напярэдадні на чыгуначнай станцыі Вярхоўцава ў Днепрапятроўскай вобласці.
Там спыніўся на нейкі час цягнік з украінскімі вайскоўцамі і тэхнікай. Калі ён нарэшце паехаў "сепаратысты і правакатары" ўключылі на станцыі музыку — адзін з вядомых нацысцкіх маршаў, паведамляе УНН.
Прэс-служба Міністэрства абароны Украіны назвала выпадак "беспрэцэдэнтным напярэдадні 9 траўня па сваёй цынічнасці". Адзначаецца, што такім чынам ворагі ўкраінскай дзяржаўнасці спрабуюць дыскрэдытаваць Узброеныя Сілы, знізіць баявы дух украінскіх вайскоўцаў.
Фота — ria.ru