Украінскі памежнік на паўгадзінкі заснуў на мяжы з Беларуссю. Яго аштрафавалі

Украінскі памежнік заснуў на пасадзе недалёка ад беларускай мяжы, піша ўкраінскае выданне "Эспрэса.Захад”.

Малады чалавек нёс службу недалёка ад вёскі Пішча на Валыншчыне — гэта зусім побач з беларускай мяжой. Але ў 5 раніцы ён не вытрымаў і заснуў. У пастанове суда сказана, што тым самым памежнік "парушыў правілы нясення памежнай службы ва ўмовах асаблівага перыяду".

Суд пастанавіў, што цяпер ён павінен заплаціць штраф прыкладна 2,4 тыс. грыўняў — гэта крыху больш за 60 долараў.