Украінскі экстрасэнс распавёў, калі не стане Пуціна (відэа)
Паводле слоў Юрыя Казлова, расійскі прэзідэнт пражыве яшчэ тры дзесяцігоддзі.
Украінскі экстрасэнс і лекар Юрый Казлоў распавёў, колькі гадоў яшчэ пражыве расійскі прэзідэнт Уладзімір Пуцін. Адбылося гэта ў эфіры ўкраінскага тэлеканала Espreso.tv. Вядоўца нагадала, што, паводле чутак, "Пуцін хворы", ды пацікавілася, што скажа пра гэта экстрасэнс.
"Адзінае, што я скажу — Пуцін памрэ ў 2044 годзе", — адказаў Юрый Казлоў. На відэа гэты момант гл. ад 1.43.
Нагадаем, Уладзіміру Пуціну 62 гады. Пасаду прэзідэнта Расіі ён займае з 2000 года, з перапынкам у 2008-2012 гадах, калі быў прэм'ер-міністрам. Калі прагноз украінскага экстрасэнса збудзецца, Пуцін пражыве 92 гады.
Фота — ria.ru
