Украінская авіяцыя праводзіць разведку на мяжы з Беларуссю
Кіеў спрабуе высветліць, наколькі небяспечным можа быць для Украіны накірунак украінска-беларускай мяжы.
Пра гэта сёння на брыфінгу паведаміў сакратар Савета па нацыянальнай бяспецы і абароне Андрэй Парубій. Ён адзначыў, што падобныя палёты здзяйсняюцца і каля мяжы з Расіяй, дзе высвятляецца канцэнтрацыя вайсковых сілаў, інфармуе сайт censor.net.ua.
Таксама Парубій сёння заявіў, што ўкраінцы будуць збіваць расійскія самалёты і верталёты, калі яны зноў парушаць паветраную прастору Украіны.
Нагадаем, у Луганскай і Данецкай абласцях Украіны працягваецца антытэрарыстычная аперацыя. Украінскія сілавікі вызваляюць гарады і вёскі ад тысяч тэрарыстаў, многія з якіх з'яўляюцца ўраджэнцамі Расіі.
Шкірак: Пуцін прыехаў схіліць Лукашэнку да антыўкраінскіх крокаў
Фота — ria.ru
