Украіне вельмі патрэбныя сістэмы Patriot, але ЗША перадаюць толькі ракеты для іх
![Сістэма Patriot](/sites/default/files/styles/gallery_main/public/2023-08/patryjot-0906.jpg.webp?itok=HOkocYXw)
Сістэма Patriot
Пентагон абяцае перадаць Украіне ракеты для зенітна-ракетнага комплексу Patriot. Гэта дазволіць Кіеву абараняцца ад паветраных нападаў Расіі, піша ВВС. Але самі пускавыя ўстаноўкі перададзеныя не будуць.
Patriot — гэта самыя эфектыўныя і дарагія сістэмы СПА, якія ёсць ва Украіне. Але на ўсю краіну — усяго некалькі установак. Кожны з "Патрыётаў" каштуе каля 1 мільярда долараў, а кожная ракета да гэтай сістэмы — амаль 4 мільёны долараў.
Украіна прасіла паставіць яшчэ 7 установак, але пакуль што змагла знайсці толькі адну — яе пагадзілася перадаць Германія. Раней Прэзідэнт Украіны Уладзімір Зяленскі заяўляў, што Patriot тэрмінова патрэбныя Украіне для процідзеяння ўсё большай паветранай пагрозе Расіі. Паводле яго слоў, яны "могуць і павінны ратаваць жыцці наўпрост цяпер".
У бліжэйшы час Украіне перададуць дапамогу на 6 млрд долараў. Там будуць боепрыпасы для сістэм супрацьпаветранай абароны, сістэмы барацьбы з дронамі, артылерыйскія снарады і ракеты для сістэм Patriot. Гэта частка вялікага пакета дапамогі, які амерыканскі Сенат ухваліў у мінулыя выходныя, а прэзідэнт ЗША Джо Байдэн падпісаў у сераду. Украіне будзе адпраўленая вайсковая дапамога на 60 млрд долараў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.