Украінцы заяўляюць, што завяршаюць аперацыю па акружэнні расіян у Лімане

Узброеныя сілы Украіны завяршаюць акружэнне расійскіх войскаў пад Ліманам у Данецкай вобласці. Пра гэта заявілі ва Усходняй групоўцы войскаў. Адзначаецца, што "пад агнявым кантролем Узброеных Сіл Украіны фактычна ўсе падыходы, лагістычныя шляхі праціўніка па якіх ён дастаўляў боепрыпасы і жывую сілу". Пры гэтым прызнаецца, што каля Лімана праціўнік больш умацаваны і падрыхтаваны, матываваны, чым у Харкаўскай вобласці падчас нядаўнага ўкраінскага контрнаступу. Таму ўкраінскія войскі патрацілі на наступ больш часу. Падкрэсліваецца, што ўкраінскі Генштаб перайграў расійскі бок тактычна.

Расіяне ж яшчэ спадзяюцца дэблакаваць сваю акружаную ў Лімане вайсковую групоўку. У бой кідаюць нават нядаўна мабілізаваных байцоў.